ரோகித் சர்மாவின் அதிரடி ஆட்டத்தால் கொல்கத்தாவுக்கு 196 ஓட்டங்கள் வெற்றி இலக்கு

அபு தாபியில் நடைபெற்று வரும் போட்டியில் கொல்கத்தா நைட் ரைடர்ஸ் – மும்பை இந்தியன்ஸ் அணிகள் விளையாடி வருகின்றன. டாஸ் வென்ற கொல்கத்தா பந்து வீச்சை தேர்வு செய்தது.

அதன்படி மும்பை இந்தியன்ஸ் அணியின் குயின்டான் டி காக் – ரோகித் சர்மா தொடக்க வீரர்களாக களம் இறங்கினர். முதல் ஓவரை சந்தீப் வாரியார் வீசினார். இந்த ஓவரின் கடைசி பந்தை சிக்சருக்கு தூக்கினார் ரோகித் சர்மா. இதனால் மும்பை முதல் சுற்றில் 8 ஓட்டங்கள் எடுத்தது.

2-வது ஓவரை ஷிவம் மவி வீசினார். இந்த ஓவரின் 2-வது பந்தில் குயின்டான் டி காக் ஒரு ஓட்டத்தை எடுத்த நிலையில் ஆட்டமிழந்தார். 2-வது மட்டையிலக்குடுக்கு ரோகித் சர்மா உடன் சூர்யகுமார் யாதவ் ஜோடி சேர்ந்தார். அத்துடன் அந்த ஓவரை மெய்டனாக்கினார் ஷிவம் மவி.

3-வது ஓவரை சந்தீப் வாரியார் வீசினார். இந்த சுற்றில் சூர்யகுமார் யாதவ் நான்கு பவுண்டரிகள் விளாசினார். சுனில் நரைன் வீசிய 6-வது சுற்றில் சூர்யகுமார் யாதவ் இரண்டு பவுண்டரி விளாச மும்பை இந்தியன்ஸ் பவர் பிளே-யில் 1 மட்டையிலக்கு இழப்பிற்கு 59 ஓட்டங்கள் அடித்தது.

தொடர்ந்து இருவரும் சிறப்பாக விளையாட 10 சுற்றில் மும்பை இந்தியன்ஸ் ஒரு மட்டையிலக்கு இழப்பிற்கு 94 ஓட்டங்கள் அடித்தது. 11-வது ஓவரை சுனில் நரைன் வீசினார். இந்த ஓவரின் 5-வது பந்தில் சூர்யகுமார் யாதவ் 28 பந்தில் 47 ஓட்டங்கள் எடுத்து ஆட்டமிழந்தார்.

12-வது ஓவரை குல்தீப் யாதவ் வீசினார். இந்த ஓவரின் கடைசி பந்தில் இரண்டு ஓட்டங்கள் அடித்த ரோகித் சர்மா 39 பந்தில் அரைசதம் கடந்தார். குல்தீப் யாதவ் வீசிய 14-வது சுற்றில் ரோகித் இரண்டு பவுண்டரி விளாசினார். 15-வது ஓவரை கம்மின்ஸ் வீசினார். இந்த சுற்றில் சவுரப் திவாரி ஒரு பவுண்டரி, ஒரு சிக்ஸ் விளாசினார்.

16-வது ஓவரை சுனில் நரைன் வீசினார். இந்த ஓவரின் முதல் பந்தில் சவுரப் திவாரி 13 பந்தில் 21 ஓட்டங்கள் எடுத்த நிலையில் ஆட்டமிழந்தார். அடுத்து ஹர்திக் பாண்ட்யா களம் இறங்கினார்.

17-வது ஓவரை கம்மின்ஸ் வீசினார். இந்த சுற்றில் ஹர்திக் பாண்ட்யா இரணடு பவுண்டரி, ஒரு சிக்ஸ் விளாசினார். கம்மின்ஸ் 3 சுற்றில் 49 ஓட்டங்கள் வழங்கினார்.

18-வது ஓவரை ஷிவம் மவி வீசினார். இந்த ஓவரின் 5-வது பந்தில் ரோகித் சர்மா ஆட்டமிழந்தார். அவர் 54 பந்தில் 3 பவுண்டரி, 6 சிக்சருடன் 80 ஓட்டங்கள் விளாசினார். ரோகித் சர்மா ஆட்டமிழக்கும்போது மும்பை 17.5 சுற்றில் 4 மட்டையிலக்கு இழப்பிற்கு 177 ஓட்டங்கள் எடுத்திருந்தது.

19-வது ஓவரை அந்த்ரே ரஸல் வீசினார். இந்த ஓவரின் 3-வது பந்தில் ஹர்திக் பாண்ட்யா ஹிட்அவுட் மூலம் ஆட்டமிழந்தார். அவர் 13 பந்தில் 18 ஓட்டங்கள் சேர்த்தார்.

கடைசி ஓவரை ஷிவம் மவி வீசினார். இந்த சுற்றில் 13 ஓட்டங்கள் விட்டுக்கொடுக்க மும்பை இந்தியன்ஸ் 20 சுற்றில் 5 மட்டையிலக்கு இழப்பிற்கு 195 ஓட்டங்கள் குவித்தது. பொல்லார்ட் 7 பந்தில் 13 ரன்களுடனும், குருணால் பாண்ட்யா 1 ரன்னுடனும் களத்தில் இருந்தனர்.