பெங்களூர் அணிக்கு எதிரன ஆட்டத்தில் 5 மட்டையிலக்கு வித்தியாசத்தில் மும்பை இந்தியன்ஸ் அபார வெற்றி பெற்றது.
அபுதாபி:
ஐபிஎல் தொடரின் 48-வது லீக் ஆட்டம் அபு தாபியில் இன்று நடைபெற்றது. இதில் மும்பை இந்தியன்ஸ் – ராயல் சேலஞ்சர்ஸ் பெங்களூர் அணிகள் பலப்பரீட்சை நடத்தின.
டாஸ் வென்ற மும்பை இந்தியன்ஸ் பந்து வீச்சை தேர்வு செய்தது. அதன்படி ராயல் சேலஞ்சர்ஸ் பெங்களூர் முதலில் மட்டையாட்டம் செய்தது. ஜோஷ் பிலிப், தேவ்தத் படிக்கல் ஆகியோர் தொடக்க வீரர்களாக களம் இறங்கினர்.
இருவரும் சிறப்பான தொடக்கம் அமைத்து கொடுத்தனர். ஜோஷ் பிலிப் 24 பந்தில் 33 ஓட்டங்கள் எடுத்து ஆட்டமிழந்தார். அப்போது ஆர்சிபி 7.5 சுற்றில் 71 ஓட்டங்கள் எடுத்திருந்தது.
அடுத்து வந்த விராட் கோலி 9 ரன்னிலும், டி வில்லியர்ஸ் 15 ரன்னிலும், ஷிவம் டுபே 2 ரன்னிலும் வெளியேறினர்.
தேவ்தத் படிக்கல் 45 பந்தில் 74 ஓட்டங்கள் அடிக்க ராயல் சேலஞ்சர்ஸ் பெங்களூர் 20 சுற்றில் 6 மட்டையிலக்கு இழப்பிற்கு 164 ஓட்டங்கள் அடித்துள்ளது. குர்கீரத் சிங் மான் 14 ரன்களும், வாஷிங்டன் சுந்தர் 10 ரன்களும் அடித்து ஆட்டமிழக்காமல் இருந்தனர்.
மும்பை அணி சார்பில் பும்ரா 4 சுற்றில் 14 ஓட்டங்கள் மட்டுமே விட்டுக்கொடுத்து 3 மட்டையிலக்கு சாய்த்தார்.
இதையடுத்து, 165 ஓட்டங்கள் எடுத்தால் வெற்றி என்ற இலக்குடன் மும்பை இந்தியன்ஸ் அணியின் தொடக்க வீரர்களாக குவிண்டன் டிகாக் மற்றும் இஷான் கிஷன் களமிறங்கினர்.
19 பந்துகளில் 18 எடுத்த நிலையில் டிகாக்கும், 19 பந்துகளில் 25 ஓட்டங்கள் எடுத்த நிலையில் இஷான் கிஷனும் வெளியேறினர். அடுத்துவந்த சூர்யகுமார் யாதவ் மற்றும் சவ்ரவ் திவாரியுடன் ஜோடி சேர்ந்தார்.
ஆனால், திவாரி 5 ஓட்டத்தை எடுத்த நிலையில் வெளியேறினார். பின்னர் வந்த குர்னால் பாண்டியா (10 ரன்), ஹர்திக் பாண்டியா (17 ரன்) அடுத்தடுத்து வெளியேறினர்.
ஆனால், ஒரு புறம் மட்டையிலக்குடுகள் சாய்ந்த மோதும் மறுமுனையில் அதிரடியாக ஆடிய சூர்யகுமார் அணியின் ஸ்கோரை வேகமாக உயர்த்தினார்.
இறுதியில் மும்பை அணி 19.1 சுற்றில் 5 மட்டையிலக்கு மட்டுமே இழந்து 166 ஓட்டங்கள் எடுத்தது. இதனால், ராயல் சேலஞ்சர்ஸ் பெங்களூர் அணியை 5 மட்டையிலக்குடுகள் வித்தியாசத்தில் வீழ்த்தி மும்பை இந்தியன்ஸ் அணி அபார வெற்றி பெற்றது.
43 பந்துகளில் 10 பவுண்டரிகள், 3 சிக்சர்கள் உள்பட 79 ஓட்டங்கள் குவித்த சூர்யகுமார் யாதவ் இறுதி வரை ஆட்டமிழக்காமல் மும்பை அணியின் வெற்றிக்கு உறுதுணையாக இருந்தார்.
பெங்களூர் தரப்பில் முகமது சிராஜ் மற்றும் சாஹல் தலா 2 மட்டையிலக்குடுகளை வீழ்த்தினர்.
Related Tags :
[embedded content]
Source: Maalaimalar
