ஆண்டின் முதல் கிராண்ட் ஸ்லாம் டென்னிஸ் தொடரான ஆஸ்திரேலியா ஓபன் பிப்ரவரி 8-ந்தேதி தொடங்கும் என போட்டி அமைப்பாளர்கள் தெரிவித்துள்ளனர்.
ஒவ்வொரு ஆண்டும் ஆஸ்திரேலிய ஓபன், விம்பிள்டன், பிரெஞ்ச் ஓபன், அமெரிக்க ஓபன் ஆகிய நான்கு முக்கிய டென்னிஸ் தொடர்களாக கிராண்ட் ஸ்லாம் போட்டி நடைபெறும். இதில் ஆஸ்திரேலியா ஓபன் முதல் தொடராக நடத்தப்படும்.
2021-ம் ஆண்டுக்கான ஆஸ்திரேலியா ஓபன் பிப்ரவரி 8-ந்தேதி தொடங்கும் என போட்டி அமைப்பாளர்கள் தெரிவித்துள்ளனர். வழக்கமாக ஆண்டுதோறும் ஜனவரி 18-ந்தேதிதான் தொடங்கும். தற்போது கொரோனா நச்சுநுண்ணுயிர் (வைரஸ்) தொற்று காரணமாக போட்டி தள்ளி வைக்கப்பட்டுள்ளது.
ஆஸ்திரேலியா ஓபனுக்கான தகுதிச் சுற்று போட்டிகள் தோகாவில் ஜனவரி 10-ந்தேதி முதல் 13-ந்தேதி வரை நடைபெறும். அதன்பின் வீரர்கள் அனைவரும் மெல்போர்னில் தனிமைப்படுத்தப்பட்டு பாதுகாப்பு வளையத்திற்குள் கொண்டு வரப்படுவார்கள்.
Related Tags :
[embedded content]
Source: Maalaimalar
