2-வது தேர்வில் வங்காளதேசத்தை 17 ஓட்டத்தில் வீழ்த்தி தொடரை 2-0 எனக் கைப்பற்றியது வெஸ்ட் இண்டீஸ்

வங்காளதேசம்- வெஸ்ட் இண்டீஸ் அணிகளுக்கு இடையில் இரண்டு போட்டிகள் கொண்ட சோதனை போட்டி நடைபெற்றது. முதல் போட்டியில் 390-க்கும் மேலான இலக்கை வெஸ்ட் இண்டீஸ் எட்டி அபார வெற்றி பெற்றது.

இந்த நிலையில் 2-வது சோதனை டாக்காவில் கடந்த 11-ந்தேதி தொடங்கியது. முதலில் மட்டையாட்டம் செய்த வெஸ்ட் இண்டீஸ் 409 ஓட்டங்கள் குவித்தது. 2-வது நாளில் இருந்து ஆடுகளம் சுழற்பந்து வீச்சுக்கு சாதகமாக இருந்தது. இதனால் வங்காளதேசம் முதல் பந்துவீச்சு சுற்றில் 296 ஓட்டத்தில் சுருண்டது.

113 ஓட்டங்கள் முன்னிலையுடன் வெஸ்ட் இண்டீஸ் 2-வது பந்துவீச்சு சுற்றில் மட்டையாட்டம் செய்தது. வங்காளதேச அணியின் பந்து வீச்சை தாக்குப்பிடிக்க முடியாமல் அந்த அணி 117 ஓட்டத்தில் சுருண்டது. தைஜுல் இஸ்லாம் 4 மட்டையிலக்கு வீழ்த்தினார். முதல் பந்துவீச்சு சுற்றில் 113 ஓட்டங்கள் முன்னிலைப் பெற்றதால் ஒட்டுமொத்தமாக 230 ஓட்டங்கள் முன்னிலைப் பெற்றது.

இதனால் வங்காளதேச அணியின் வெற்றிக்கு 231 ஓட்டங்கள் வெற்றி இலக்காக நிர்ணயிக்கப்பட்டது. தொடக்க வீரர் தமிம் இக்பால் 46 பந்தில் 50 ஓட்டங்கள் அடித்து நல்ல தொடக்கம் கொடுத்தார். அதன்பின் வந்த வீரர்கள் சீரான இடைவெளியில் ஆட்டமிழந்து கொண்டே இருந்தனர்.

இதனால் போட்டி பரபரப்பாகவே சென்று கொண்டிருந்தது. ஒரு கட்டத்தில் 188 ஓட்டங்கள் எடுப்பற்குள் வங்காளதேசம் 9 மட்டையிலக்குடை இழந்தது, ஆனால் மெஹிதி ஹசன் அதிரடியாக விளையாடியதால் வெஸ்ட் இண்டீஸ் அணிக்கு நெருக்கடி ஏற்பட்டது. என்றாலும் துணிச்சலாக நம்பிக்கையுடன் பந்து வீசிக் கொண்டிருந்தனர். வங்காளதேச அணியின் ஸ்கோர் 213 ரன்னாக இருக்கும்போது, மெஹிதி ஹசன் 31 ஓட்டங்கள் எடுத்த நிலையில் ஆட்டமிழந்தார்.

இதனால் வெஸ்ட் இண்டீஸ் 17 ஓட்டங்கள் வித்தியாசத்தில் வெற்றி பெற்றதுடன், தொடரையும் 2-0 எனக் கைப்பற்றியது. முதல் பந்துவீச்சு சுற்றில் 5 மட்டையிலக்கு வீழ்த்திய கார்ன்வெல், 2-வது பந்துவீச்சு சுற்றில் 4 மட்டையிலக்கு வீழ்த்தி முத்திரை பதித்தார்.

[embedded content]