தமிழில் பா.இரஞ்சித் இயக்கத்தில் வெளியாகி வெற்றி பெற்ற திரைப்படம், விரைவில் பாலிவுட்டில் மறுதயாரிப்பு செய்யப்பட உள்ளதாக கூறப்படுகிறது.
தமிழ் படங்களுக்கு பாலிவுட்டில் அதிக மவுசு உருவாகி உள்ளது. ஏற்கனவே பார்த்திபனின் ஒத்த செருப்பு, விஷ்ணு விஷாலின் ராட்சசன், சூர்யா நடித்த சூரரைப்போற்று, லோகேஷ் கனகராஜின் மாநகரம், கார்த்தி நடித்த கைதி ஆகிய படங்கள் பாலிவுட்டில் மறுதயாரிப்பு ஆகி வருகின்றன.
இந்நிலையில், மேலும் ஒரு தமிழ் படம் அந்த பட்டியலில் இணைந்துள்ளது. அதன்படி பா.இரஞ்சித் இயக்கத்தில் வெளியான ‘மெட்ராஸ்’ திரைப்படம் இந்தியில் மறுதயாரிப்பு செய்யப்பட உள்ளதாக தகவல் வெளியாகி உள்ளது. இது தொடர்பான பேச்சுவார்த்தை நடைபெற்று வருவதாக கூறப்படுகிறது.
மெட்ராஸ் படத்தின் விளம்பர ஒட்டி
பா.இரஞ்சித் இயக்கிய மெட்ராஸ் படத்தில் கார்த்தி கதாநாயகனாக நடித்திருந்தார். ஒரு சுவரை மையமாக வைத்து இப்படத்தின் கதை உருவாக்கப்பட்டிருந்தது. கடந்த 2014-ம் ஆண்டு வெளியான இப்படம் வசூல் ரீதியாகவும், விமர்சன ரீதியாகவும் மாபெரும் வரவேற்பை பெற்றது.
[embedded content]
Source: Malai Malar